«Зенит» футболшылары Ресей премьер-лигасының 24-туры аясында «Краснодармен» өткен ойында жеңіске жеткені үшін қомақты сыйақы алды, деп хабарлайды 7-su.kz желілік басылымы BAQ.KZ сайтына сілтеме жасап.
Қазақстандық қорғаушы Нұралы Әліптің командасы Санкт-Петербургтік «Зенит» Ресей Премьер-лигасының 24-туры аясында «Краснодарды» 4:1 есебімен ойсырата жеңді. Бұл жеңіс турнирлік кестеге айтарлықтай әсер етіп, «Зенит» көшбасшы «Краснодармен» арадағы ұпай айырмасын қысқартты.
Маңызды матч алдында клуб басшылығы ойыншыларды ынталандыру үшін қомақты сыйақы тағайындаған. Жеңіс үшін — 110 мың еуро (шамамен 64,4 млн теңге). Үш немесе одан көп гол айырмасымен жеңіс үшін — 250 мың еуро (шамамен 146,5 млн теңге).
«Зенит» бұл ойында «максималды бағдарламаны» орындап, 250 мың еуролық сыйақыны жеңіп алды. Нұралы Әліп матч барысында алаңға шықпағанымен, қосалқы құрамда болған. Алайда клубтың ішкі тәртібі бойынша, матчтық өтінімге енген әрбір ойыншы сыйақы алады. Осылайша, Әліп 90 минут бойы алаңда болмаса да, шамамен 146 миллион теңге табысқа ие болды.
Фото: Зенит ФК
