Халықаралық Олимпиада комитеті Лос-Анджелесте өтетін 2028 жылғы жазғы ойындарда бокстан жаңа салмақ дәрежелерін бекітті. Бұл өзгерістер World Boxing ұйымының бастамасымен енгізілді және енді олимпиада бағдарламасында 14 салмақ дәрежесі болады — 7-еуі ерлерге, 7-еуі әйелдерге тиесілі.
Әйелдер боксы – жаңа мүмкіндік көкжиегі
Бұрын әйелдер арасындағы жарыстар 6 салмақ дәрежесінде өтетін болса, енді олардың саны 7-ге жетті. Жаңа салмақтар:
-
51 кг
-
54 кг
-
57 кг
-
60 кг
-
65 кг
-
70 кг
-
75 кг
Бұл – қазақстандық қыздар үшін үлкен мүмкіндік. Соңғы жылдары қазақ спортшылары Азия және әлем чемпионаттарында жоғары жетістіктерге жетіп жүр. Енді олар үшін Олимпиадада өнер көрсетуге қосымша жол ашылады.
Ерлер боксы – жаңартылған салмақтар
Ерлер арасында да 7 салмақ дәрежесі сақталғанымен, олардың шектері өзгертілді. Жаңа жүйе бойынша жарыстар мына салмақтарда өтеді:
-
55 кг
-
60 кг
-
65 кг
-
70 кг
-
80 кг
-
90 кг
-
+90 кг
Бұрын жарыстар 51 келіден басталатын. Енді бұл салмақтағы жарыстар алынып тасталды. Сонымен қатар, 70, 80 және 90 келі аралығындағы үлкен айырмашылықтар боксшылар мен бапкерлер үшін бейімделу тұрғысынан жаңа қиындықтар тудыруы мүмкін.
«Жетісу-Ақпарат»
Фото: ЖИ, 7-su.kz
