Талдықорған қаласында жасөспірімнің өліміне байланысты сот процесі өтуде. Прокурор Ержан Құрақбаев сотталушылардың толық тізімін жариялап, оқиғаның мән-жайын баяндады.
Сотталушылар:
-
Шынасыл Абзал Нұрғалиұлы
-
Сәкиев Равил Магомедович
-
Белғажаев Шыңғыс Айдосұлы
-
Әскентай Дархан Дарханұлы
-
Оқтаубаев Нұрбол Мұратбекұлы
-
Ілиясов Нұрқияс Төлепбекұлы
-
Оқтаубаев Азамат Маратбекұлы
-
Қалиахмет Дидар Еркінұлы
-
Ысқақов Думан Қайдарұлы
Тағы оқыңыз: Шерзаттың соты неге Талдықорғанда өтіп жатыр?
Оқиғаның басталуы
Түнгі сағат 00:34 шамасында Шерзат Полат достары Сейсенбай, Ахмет және Махмет Алдиярды «Қамажай» дүкеніне шақырған. Олар жалдамалы автокөлікпен дүкен алдына келген. Сол уақытта Тоқтаубаев, Ілиясов және олармен бірге жүрген қыздар Нұрбекова мен Жақсыкелді «Қамажай» дүкеніне қарай шыққан. Шынасыл Абзал Нұрғалиұлы Euphoria кафесінің алдында тұрған танысы Әшірбаевтың көлігімен олардың артынан жүрген. Нәтижесінде, аталған тұлғалар дүкен алдында жиналған.
Қылмыстық әрекет
Прокурордың айтуынша, Шынасыл Абзал Нұрғалиұлы қылмыстық ойын іске асыру мақсатында, айналасында Нұрымов пен оның анасы және әжесі болғанына қарамастан, Шерзат Полаттың жүрек тұсына қасақана бір рет пышақ сұғып алған. Салдарынан Полат асфальтқа отырып қалған.
Қосымша ақпарат
Күдіктілердің кейбірі бұрын да қылмыстық жауапкершілікке тартылған. Мысалы, Нұрқияс Ілиясов пен Шынасыл Абзал бұған дейін бұзақылық әрекеттері үшін сотталған.
Осы оқиғадан кейін марқұм Шерзат Полаттың үйі өртеніп, бұл іс Бас прокурордың жеке бақылауына алынды.
«Жетісу-Ақпарат»
Фото: Дастанбек Садық
