Қазақстан Республикасы Оқу-ағарту министрлігі 2025–2026 оқу жылындағы орта білім беру ұйымдары үшін оқу мерзімдері мен демалыс кезеңдерін бекітті, деп хабарлайды 7-su.kz ақпараттық порталы.
Министрліктің мәліметінше, жаңа оқу жылы 2025 жылдың 2 қыркүйегінде басталып, 2026 жылдың 25 мамырында аяқталады.
Білім күніне арналған салтанатты жиынның уақыты мен өткізілу тәртібін әр мектеп өз педагогикалық кеңесінің шешімімен белгілейді.
Демалыс күнтізбесі:
- Күзгі каникул:
2025 жылғы 27 қазан – 2 қараша (7 күн) - Қысқы каникул:
2025 жылғы 29 желтоқсан – 2026 жылғы 7 қаңтар (10 күн) - 1-сынып оқушыларына қосымша демалыс:
2026 жылғы 9 – 15 ақпан (7 күн) - Көктемгі каникул:
2026 жылғы 19 – 29 наурыз (11 күн)
Оқу тоқсандарының ұзақтығы:
- І тоқсан – 8 апта
- ІІ тоқсан – 8 апта
- ІІІ тоқсан – 10 апта
- IV тоқсан – 8 апта
Министрлік оқу процесін ұйымдастыру барысында оқушылардың оқу жүктемесін оңтайлы деңгейде ұстап, олардың физикалық және психологиялық саулығын басты назарда ұстайтынын атап өтті.
