Талдықорған қаласында «E-Otinish» ақпараттық жүйесін тиімді пайдалану бойынша оқу-семинар өтті, деп хабарлайды 7-su.kz желілік басылымы.
Қала әкімдігінің мәжіліс залында Жетісу облысы әкімі аппаратының азаматтар өтініштерінің қаралуын бақылау бөлімінің бас маманы Әлішер Жексембаевтың қатысуымен семинар ұйымдастырылды. Жиын барысында қала әкімдігіне қарасты бөлімдердің мамандарына «E-Otinish» жүйесі арқылы жеке және заңды тұлғалардың өтініштерін қарау кезінде Қазақстан Республикасы Әкімшілік рәсімдік-процестік кодексінің талаптарын сақтау мәселелері түсіндірілді.
Семинарда өтініштерді қарау тәртібі талқыланып, мамандарға «E-Otinish» жүйесінде жұмыс істеу бойынша практикалық кеңестер берілді. Қазіргі таңда бөлім қызметкерлері жүйе арқылы 15 индикатор бойынша проактивті форматта түсіндіру жұмыстарын жүргізуде.
Айта кетейік, 2023 жылы Талдықорған қаласының әкімдігіне «E-Otinish» жүйесі арқылы 12 373 өтініш келіп түскен. Ал 2024 жылдың І тоқсанында бұл көрсеткіш 2969-ға жетті.
Фото: total.kz
