Таиланд астанасы Бангкокта өтіп жатқан бокстан жастар және 22 жасқа дейінгі спортшылар арасындағы Азия чемпионатында қазақстандық боксшы Нұрислам Қалдыбаев жартылай финалға жолдама алды.
60 келі салмақ дәрежесінде өнер көрсеткен Қалдыбаев ширек финалда Қырғызстан өкілі Азизбек Ходжаевпен кездесіп, төрешілердің бөлек шешімімен жеңіске жетті. Осылайша, ол кем дегенде қола медальді қамтамасыз етті.
Айта кетейік, Нұрислам Қалдыбаев жарысты сенімді бастады. Алғашқы кезеңде ол Оңтүстік Корея боксшысы Сён Хун Юды үш рет нокдаунға түсіріп, үшінші раундта төреші кездесуді мерзімінен бұрын тоқтатты.
Боксшының жартылай финалдағы қарсыласы алдағы күндері белгілі болады.
«Жетісу-Ақпарат»
