Бангкокта (Таиланд) өтіп жатқан World Boxing ұйымының жастар арасындағы Азия чемпионатында (U22) финалдық жекпе-жектер басталды. Онда қазақ боксшылары да медаль үшін бақ сынауда, деп хабарлайды 7-su.kz ақпараттық порталы Sportinside.kz сатйына сілтеме жасап.
48 келіге дейінгі салмақта қазақ қызы Гүлназ Бөрібаева өзбек боксшысы Робияхон Баһтиёровамен рингте кездесті. Бірінші раундты Гүлназ Бөрібаева 4:1 есебімен ұтты, ал екінші кезеңде төрешілер 3:2 есебімен Баһтиёроваға басымдық берді. Үш раундтың қорытындысы бойынша Гүлназ 4:1 есебімен жеңіске жетіп, төрешілердің шешімімен Азия чемпионы атанды. Ал Робияхон Баһтиёрова күміс медаль иеленді.
Айта кетейік, Бангкоктағы жастар арасындағы бұл Азия біріншілігі – World Boxing ұйымы өткізген тұңғыш құрлықтық чемпионат.
