Жұмысшы мамандықтары жылын өткізу жөніндегі жоспарға сәйкес, 2025 жылдың 26 тамызында Ақсу ауданының мансап орталығы «AMANAT» партиясының «Жастар Рухы» жастар қанатымен бірлесе отырып, жұмыссыз азаматтарға арналған «Бос жұмыс орындары» жәрмеңкесін ұйымдастырды.
Іс-шараға 7 жұмыс беруші мекеме, жұмыс іздеушілер, студенттер, жоғары және кәсіптік білім беру ұйымдарын бітірген түлектер мен жұмыссыз азаматтар қатысты. Барлығы 51 адам қамтылды, оның ішінде 35-і – жастар санатындағы қатысушылар.
Жұмыс берушілер тарапынан 55 бос жұмыс орны ұсынылды. Оның ішінде 11-і кіші қызметкерлерге арналса, 44-і біліктілігі жоғары әрі сұранысқа ие мамандықтарға берілді.
Жәрмеңке нәтижесінде:
-
11 азамат тұрақты жұмысқа орналастырылды, оның ішінде 5-еуі – 35 жасқа дейінгі жастар;
-
«Алғашқы жұмыс орны» жобасына 4 жас жолданды;
-
Жастар практикасына 6 адам жіберілді.
Сонымен қатар, жәрмеңке барысында жұмыссыз азаматтарға жұмыспен қамтудың белсенді шараларына қатысу жолдары түсіндіріліп, кеңес берілді.
