Жетісу облысы бойынша сауда және тұтынушылардың құқықтарын қорғау департаменті кәсіпкерлік субъектілері мен тұтынушыларды алдағы жаңа түзетулер туралы, атап айтқанда Қазақстан Республикасының «Әкімшілік құқық бұзушылық туралы» Кодексіне өзгерістер мен толықтырулар енгізілгені туралы хабардар етеді.
Бүгінгі күні ҚР «Әкімшілік құқық бұзушылық туралы» Кодексінің 204-4 бабына сәйкес ішкі сауда субъектісінің Қазақстан Республикасының Сауда қызметін реттеу туралы заңнамасында белгіленген әлеуметтік маңызы бар азық-түлік тауарларына сауда үстемесінің мөлшерін асырғаны үшін «ескерту» жасап келді.
2025 жылғы 15 наурыздан бастап Кодекстің 204-4-бабы осы бұзушылық үшін жеке тұлғаларға, шағын кәсіпкерлік субъектілеріне — 5, орта кәсіпкерлік субъектілеріне — 35, ірі кәсіпкерлік субъектілеріне-150 АЕК мөлшерінде айыппұл көзделген.
Бұдан басқа, өзгерістер ӘҚБтК-нің 190-бабының 5-тармағына қатысты, ол сатушылардың (дайындаушылардың, орындаушылардың) ҚР тұтынушылардың құқықтарын қорғау туралы заңнамасын бұзғаны үшін, атап айтқанда, ӘҚБтК бойынша міндеттерді орындамағаны үшін жауаптылығын көздейді:
1. Сатушының, тұтынушылардың құқықтарын қорғау саласындағы уәкілетті органның және тұтынушылық дауларды сотқа дейін реттеу субъектілерінің байланыс деректері туралы ақпаратты, сондай-ақ тұтынушының өз бұзылған құқықтары мен заңды мүдделерін қалпына келтіру үшін оларға жүгіну құқығы туралы ақпаратты қазақ және орыс тілдерінде орналастыруға;
2. ҚР тұтынушылардың құқықтарын қорғау туралы заңнамасында белгіленген мерзімде тиісті және тиісті емес сападағы тауарды айырбастауды немесе қайтаруды қамтамасыз ету.
3. ҚР тұтынушылардың құқықтарын қорғау туралы заңнамасында белгіленген мерзімде тұтынушының құқықтары мен заңды мүдделерін бұзушылықтарды жою туралы шағымға жазбаша жауап беру;
2025 жылғы 15 наурыздан бастап заң шығарушы сатушылардың осы міндеттерді орындамағаны үшін жауапкершілікті күшейтілді, енді ескертудің орнына айыппұл салынады:
— Жеке тұлғаларға 5 АЕК мөлшерінде;
— шағын кәсіпкерлік субъектілеріне-10 АЕК мөлшерінде;
— орта кәсіпкерлік субъектілеріне-15 АЕК мөлшерінде;
— ірі кәсіпкерлік субъектілеріне-25 АЕК мөлшерінде.
Осыған байланысты, Жетісу облысы бойынша сауда және тұтынушылардың құқықтарын қорғау департаменті кәсіпкерлік субъектілеріне өзгерістерменмұқият танысып, сауда және тұтынушылардың құқықтарын қорғау саласындағы заңнамаларды сақтауды ұсынады.
Фото: Ашық әлеуметтік желіден
