Қазақстанда сән мен сұлулыққа ең көп қаражат шығындайтындар Алматы мен Астана тұрғындары емес, Шымкент халқы болып шықты, – деп хабарлайды 7-su.kz ақпараттық порталы Finratings.kz дерегіне сүйеніп.
2025 жылдың екінші тоқсанында Шымкент тұрғындары бір адамға шаққанда үш айда орта есеппен 36,4 мың теңге жұмсаған. Бұл – ел бойынша ең жоғары көрсеткіш әрі орташа деңгейден үштен бірге артық.
Сарапшылардың айтуынша, қала тұрғындарының кірісі республикалық деңгейден төмен болса да (жан басына шаққандағы тоқсандық табыс – 267,5 мың теңге, бұл орташа көрсеткіштен 25%-ға аз), олар табысының шамамен 14%-ын сыртқы келбетке бағыттайды. Қазақстан бойынша бұл үлес екі есе төмен.
Мамандар мұндай үрдіс алғаш рет емес, бірнеше жыл қатарынан байқалып отырғанын атап өтті. Жалпы шығын көлемі жағынан кейде Алматы алға шыққанымен, табысқа шаққандағы шығын бойынша Шымкент тұрақты түрде бірінші орында.
Статистикаға тек крем мен сусабын ғана емес, сондай-ақ:
-
косметика мен парфюмерия,
-
әшекей бұйымдар, сөмке мен сағат,
-
киім-кешек пен аяқ киім,
-
күтімге арналған тұрмыстық техника (фен, эпилятор, қырыну құралдары),
-
тіпті қолшатыр да енгізілген.
