Ямайкамен тең түскен (0:0) Кюрасао 2026 әлем чемпионатының финалына өткен ең кішкентай ел болып отыр, деп хабарлайды Vesti.kz сайты ESPN арнасына сілтеме жасап.
Аралдың халқы небәрі 156 мың адам, ал аумағы — 444 км².
Нидерландиялық бапкер Дик Адвокат жаттықтыратын команда жарыстан жеңіліссіз өтті, оның ішінде Бермуд аралдарына қарсы 7:0 есебімен әсерлі жеңіске жетті. Команда B тобында 12 ұпай жинап, бірінші орынға шықты.
Сальвадорды 3:0 есебімен ұтқан Панама екінші мәрте әлем чемпионатына финалына өтіп отыр. Ал Гаити C тобында сенсациялық түрде бірінші болып, фаворит саналған Гондурас пен Коста-Риканы артта қалдырды.
Топта екінші орын алған командалар — Ямайка мен Суринам — наурызда Боливия, Жаңа Каледония, Конго ДР және Иракқа қарсы континентаралық плей-офф матчтерін қалған екі жолдама үшін ойнайды.
2026 жылғы әлем чемпионатының топтық кезеңінің жеребесі 5 желтоқсан Вашингтонда тартылады, ал негізгі турнир 11 маусымнан 19 шілдеге дейін АҚШ, Канада және Мексикада өтеді.
