Алматылық «Қайрат» футзалдан Чемпиондар лигасының 1/8 финалының алғашқы матчында Бельгияның «Спортинг-Андерлехт» клубын жеңді, деп хабарлайды 7-su.kz ақпарттық порталы.
Брюссельдегі кездесу 7:3 есебімен Қазақстан клубының пайдасына аяқталды.
Ойынның екінші минутында Кайо Руис есеп ашып, «Қайратты» алға шығарды. Алайда алаң иелері жылдам жауап берді: үшінші минутта Ранжел мен Грелло дәлдік танытты, ал оныншы минутта Панеш Феликс тағы бір гол соғып, есепті 3:1-ге жеткізді.
Алматылықтар жылдам ес жиып, есепті қысқартты: 11-минутта Оливейра да Сильва айырманы 3:2-ге жеткізсе, 12-минутта Отанья таразы басын теңестірді.
Егер бірінші тайм тартысты өткен болса, екінші тайм толықтай алматылықтардың пайдасына шешілді. 21-минутта Дәурен Турсағұлов қонақтарды қайта алға шығарды. Бес минуттан кейін Да Сильва бельгиялық клуб қақпасына бесінші голды соқты. 29-минутта Біржан Оразов есепті 6:3 етті.
Ойынға нүктені Отанья қойды. Ол матч аяқталуға 30 секунд қалғанда тағы бір гол соқты.
Командалардың жауап матчы 5 желтоқсанда Алматыда өтеді.
