Астанада өткен Чемпиондар лигасының кезекті кездесуінде алматылық «Қайрат» командасы Грекияның «Олимпиакосына» 0:1 есебімен жол берді, деп хабарлайды 7-su.kz ақпараттық порталы.
Матч тағдырын шешкен жалғыз гол екінші таймда соғылды. Ойынның 73-минутында Мехди Таремидің пасын тиімді пайдаланған Желсон Мартинш допты қақпаға дәл бағыттап, матчтың жалғыз әрі жеңіс голының авторы атанды. Ал алғашқы таймда қос команда да бір-біріне лайықты қарсылық көрсеткенімен, есеп ашылмады.
Екі ойынның қорытындысы бойынша жалпы есеп 1:0 болып, грек клубының пайдасына шешілді.
Бұл жеңіс «Олимпиакосқа» турнирлік кестедегі ұпай санын 5-ке жеткізіп, 26-орынға көтерілуге мүмкіндік берді. Команда плей-офф кезеңіне шығу мүмкіндігін сақтап қалды. Ал «Қайрат» небәрі бір ұпаймен 35-орында қалып отыр. Алматы клубы осы уақытқа дейін бір рет тең түсіп, бес мәрте жеңіліс тапқан.
«Қайрат» келесі ойынын 2026 жылдың 20 қаңтарында өз алаңында Бельгияның «Брюгге» клубына қарсы өткізеді. Сол күні «Олимпиакос» өз жерінде Германияның «Байерімен» кездеспек.
