Үкімет басшысы Олжас Бектенов жұмысшы мамандардың айлығы өсетінін депутаттарға берген жауабында атап көрсеткен.
Бұл туралы 7-su.kz желілік басылымы Ulysmedia.kz сайтының дерегіне сүйеніп хабарлайды.
БЕКТЕНОВ НЕ ДЕЙДІ
Еңбек заңнамасында мемлекеттік бюджет есебінен ұсталатын азаматтық қызметшілерге еңбек демалысын, сауықтыруға жәрдемақы төлеу, сыйақы беру жүйесін және ұжымдық шарттың талаптарында және (немесе) жұмыс берушінің актілерінде айқындалған еңбекті ынталандырудың басқа да нысандарын беру тәртібі реттелген. Қазір еңбек және халықты әлеуметтік қорғау министрлігі азаматтық қызметшілердің, оның ішінде жұмысшы мамандарға 3 еңбекақы төлеу жүйесін жетілдіру бойынша жұмыс жүргізуде (лауазымдарды саралау, базалық лауазымдық жалақыны ауыстыру, қосымша төлемдер мен үстемеақыларды оңтайландырып, оларды лауазымдық еңбекақының құрамына қосу және т.б.). Осы жұмыстың қорытындысы бойынша жалақыны одан әрі арттыру мәселесі қаралады, – дейді Бектенов жауабында.
КІМДЕРДІҢ АЙЛЫҒЫ ӨСЕДІ
Қазақстанда жұмысшы санатына әртүрлі мамандықтар кіреді. Олардың қатарында:
Механиктер – автокөліктер мен машиналарды жөндейтін мамандар.
Электриктер – электр жүйелері мен құрылғыларын орнату және жөндеу.
Слесарлар – металл конструкцияларын өңдеу, жөндеу.
Дәнекерлеушілер – металл бөлшектерін дәнекерлеу.
Столярлар – ағаштан бұйымдар жасау.
Кондитерлер – тәтті өнімдер дайындау.
Медбикелер – медициналық көмек көрсету.
Тігіншілер – киім мен басқа текстиль бұйымдарын тігу және тағы басқа мамандықтар.
Бұл мамандықтар өндіріс, құрылыс, қызмет көрсету және ауыл шаруашылығы сияқты түрлі салаларда маңызды рөл атқарады.
Коллаж: Ulysmedia
