Қазақстан Президенті Қасым-Жомарт Тоқаев Тәуелсіз мемлекеттер достастығына (ТМД) мүше мемлекеттер басшыларының бейресми кездесуіне қатысты.
Кездесуге Қазақстан Президентімен қатар Ресей Федерациясының Президенті Владимир Путин, Армения Премьер-министрі Никол Пашинян, Беларусь Президенті Александр Лукашенко, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов және Өзбекстан Президенті Шавкат Мирзиёев қатысты.
Бейресми жиын барысында ТМД елдері басшылары ұйым аясындағы өзара ынтымақтастықтың негізгі даму бағыттары мен алдағы қадамдарын талқылады.
Сонымен қатар Тәуелсіз мемлекеттер достастығы шеңберіндегі ықпалдастықтың өзекті мәселелері бойынша пікір алмасты.
