Жетісу облысында үш жасар балаға қатысты ауыр қылмыс тіркелді. Бұл туралы облыстық Полиция департаментінің баспасөз қызметі мәлімдеді, – деп хабарлайды 7-su.kz ақпараттық порталы.
2 ақпан күні сағат 21:00 шамасында «102» пультіне медициналық мекемеден хабарлама түскен. Онда үш жасар баланың дене жарақаттары мен зорлық белгілерімен ауруханаға жеткізілгеніайтылған.
Аталған дерек бойынша ҚР Қылмыстық кодексінің «Денсаулыққа қасақана ауыр зиян келтіру» бабыбойынша қылмыстық іс қозғалды.
Полиция қызметкерлері баланың әкесін алкогольдік масаң күйде ұстап, уақытша ұстау изоляторына қамаған.
Қазіргі уақытта бала анасымен бірге медициналық мекемеде, оған барлық қажетті медициналық көмек көрсетіліп жатыр.
Оқиғаның барлық мән-жайын анықтау мақсатында тергеу және процессуалдық іс-шаралар жүргізілуде. Сотқа дейінгі тергеп-тексеру Полиция департаменті басшылығының бақылауында.
Посмотреть эту публикацию в Instagram
