Лепсі ауылында Алакөл ауданының ішкі саясат, мәдениет, тілдерді дамыту және спорт бөлімінің ұйымдастыруымен Жетісу облысының шаңғышылары арасында ашық «Лепсі – 2026» облыстық жарысы өтті, – деп хабарлайды 7-su.kz ақпараттық порталы
Аталған додаға Талдықорған, Текелі қалаларынан, Кербұлақ, Ескелді, Сарқан, Алакөл аудандарынан және Алакөл ауданына қарасты Лепсі, Жыланды, Екпінді, Теректі ауылдық округтерінен 9-63 жас аралығындағы спортшылар қатысты.
Жарыстың басты мақсаты – оқушылар арасында Лепсі ауылындағы спортқа дарынды балаларға арналған облыстық мамандандырылған мектеп-интернатының шаңғы бөліміне іріктеу жүргізу, ал ересектер арасында Жетісу облысында қысқы спорт түрлерін насихаттап, дамыту болды.
Қатысушылар ерлер, әйелдер, ұлдар және қыздар болып бөлінді. Жас шаңғышылар үш топта, ал ересектер алты жас санаты бойынша бақ сынасты. Жарысқа Қазақстан біріншілігінің және Жетісу облысының бірнеше дүркін чемпиондары да қатысты.
Жарыс қорытындысы бойынша ересектер арасында командалық есепте:
І орын – 158 ұпаймен Кербулақ ауданы
ІІ орын – 134 ұпаймен Алакөл ауданы
ІІІ орын – 96 ұпаймен Талдықорған қаласы
Эстафеталық жарыста:
Ерлер арасында:
І орын Талдықорған қаласы
ІI орын ауданы
ІII орын Кербулақ ауданы
Әйелдер арасында:
I орын Алакөл ауданы
ІI орын Кербұлақ ауданы
ІII орын Талдықорған қаласы
Жеңімпаздар арнайы дипломдармен, медальдармен және командалық кубоктармен марапатталды. Команда жетекшілеріне арнайы сыйлықтар табысталып, Лепсі ауылының бал өнімдері сыйға берілді.
Жарыс барысында қатысушыларға Лепсі ауылындағы спортқа дарынды балаларға арналған облыстық мамандандырылған мектеп-интернаты ұжымының атынан бал қосылған ыстық шай мен бауырсақ ұсынылды.
Шара жоғары деңгейде ұйымдастырылып, қатысушылар мен қонақтар тарапынан оң бағасын алды.
