Синоптиктердің болжамынша, ертең, 6 ақпанда Қазақстанның 14 өңірінде ауа райы қолайсыз болады.
Батыс Қазақстан облысында жел шығыстан соғады, күндіз облыстың шығысында екпіні секундына 15-20 метрге жетеді.
Қостанай облысының батысында, оңтүстігінде аздаған қар жауады, жаяу бұрқасын, солтүстік-шығыстан жел соғады, облыстың оңтүстігінде екпін секундына 15-20 метрге жетеді.
Жетісу облысының Алакөл көлдері ауданында оңтүстік-шығыстан жел соғады, екпіні 15-20, кей уақыттарда 23-28 м/с-ке дейін жетеді. Түнде облыстың орталығында, таулы аудандарында 25 градус аяз болады.
Ақмола облысының батысында, оңтүстігінде, шығысында шығыстан, солтүстік-шығыстан жел соғады, екпіні — 15-20 м/с.
Түркістан облысының оңтүстігінде, таулы және тау бөктерлі аудандарында тұман түседі. Шығыстан жел соғады, күндіз облыстың тау асуларында күші 15-20 м/с-ке жетеді.
Ақтөбе облысының солтүстігінде, орталығында жаяу бұрқасын. Шығыстан, солтүстік-шығыстан жел соғады, облыстың солтүстігінде, оңтүстігінде, орталығында екпіні секундына 15-20 метрге жетеді.
Солтүстік Қазақстан облысының оңтүстігінде аздаған қар жауады, жаяу бұрқасын соғады. Облыстың батысында, солтүстігінде, шығысында тұман түседі. Шығыстан жел соғады, облыстың оңтүстігінде екпіні — 15-20 м/с.
Атырау облысында шығыстан жел соғады, күндіз облыстың солтүстігінде, шығысында екпіні 15-20 м/с болады.
Павлодар облысының солтүстігінде, батысында тұман түседі.
Қызылорда облысында жел солтүстік-шығыстан соғады, облыстың солтүстігінде, орталығында екпіні 15-20 м/с-ке жетеді.
Абай облысының батысында, солтүстігінде, орталығында тұман түседі. Жел солтүстік-шығыстан, солтүстіктен соғады, облыстың оңтүстік-батысында, оңтүстігінде екпіні — 15-20 м/с.
Ұлытау облысының шығысында кей уақыттарда тұман түседі. Солтүстік-шығыстан, шығыстан жел соғады, облыстың солтүстігінде, орталығында екпіні — 15-20 м/с.
Шығыс Қазақстан облысының батысында, солтүстігінде, оңтүстігінде тұман.
Қарағанды облысының солтүстігінде, шығысында кей уақыттарда тұман түседі. Солтүстік-шығыстан, шығыстан жел соғады, облыстың солтүстігінде, шығысында, оңтүстігінде екпіні секундына 15-20 метрге жетеді.
Фото: depositphotos.com
