Марқұм композитор Арман Дүйсеновтің жұбайы Айсұлу ұзаққа созылған заңдық тартыстан кейін баспанасын өзіне қайтарды. Қуанышты хабарды қоғам белсендісі Руслан Өтепбай әлеуметтік желідегі парақшасында жариялады, – деп хабарлайды 7-su.kz ақпараттық порталы ozgeris.info сайтына сілтеме жасап.
Руслан Өтепбайдың мәлімдеуінше, сот шешімі Айсұлу ханымның пайдасына шығып, даулы болып келген үй мәселесі оң шешімін тапқан. Композитордың жары осы қиын сәтте қолдау білдіріп, жылы сөздерін аямаған барша қазақстандықтарға шексіз алғысын жеткізді.
«Ардақты ағайын, сүйінші. Арман Дүйсеновтің келіншегі Айсұлу ханым соттың шешімімен үйін қайтарып алды. Қолдау көрсеткен барша қазақ еліне Айсұлу ханым алғысын білдіруде», – деп жазды ол өз жазбасында.
Қазіргі таңда Айсұлу ханым балаларымен бірге өз үйіне қайта орналасу мүмкіндігіне ие болды. Қоғам белсенділері мен заңгерлердің бірлескен жұмысының арқасында даулы іске нүкте қойылды. Мұндай нәтиже ел ішіндегі береке мен бірліктің, сондай-ақ заң үстемдігінің жарқын үлгісі болса керек.
