Жетісу облысының тауларындағы қар жамылғысының биіктігі осы маусымда бұрынғыға қарағанда 12 сантиметрге жоғары.
Соңғы уақытта аймақта қар мен жаңбыр аралас жауын-шашын көп жауды. Кейіннен ауа-райы өзгеріп, жылы бола бастады. Қазір төтенше жағдайлар департаменті мен «Қазселденқорғау» қызметкерлері облыс аудандарындағы көшкін қаупі бар жерлерді анықтап, жағдайды бақылауда ұстауда.
«Текелі кеніші» гидробекетінің кезекшісі Нұрия Қаукенова Текелі өзені шатқалы бойындағы ең жауапты учаскедегі жағдайды бақылайды. Ол тау баурайларындағы көшкін қаупі бар аймақтарды тексеріп, қар жамылғысының қалыңдығы мен ауа температурасын, жауын-шашын болған жағдайда олардың деңгейін анықтайды. Орталыққа ақпаратты күніне 3 рет жеткізіп отырады.
–13 шақырым жерде 35 қар көшкіні байқалатын қауіпті учаске бар. Көшкін қаупі ең жоғары учаске – 13-ші. Қазіргі уақытта жағдай тұрақты. Десек те температура өзгерсе, көшкін түсуі мүмкін, – дейді «Қазселденқорғау» ММ гидробекетінің бақылаушысы Нұрия Қаукенова.
Қазір аймақта 61 көшкін қаупі бар учаске анықталды. Қар еріген жағдайда арнайы құрылған төтенше жағдайлар қызметі мен «Қазселденқорғау» тобының тауларда тұрақты рейдтері болады. Осы ақпанда тауларда бұрынғыға қарағанда, қар қалың түсті. Оның қату деңгейі бойынша қар көшкіні қаупі бар-жоғын анықтайды.
– Ең төменгі қабат – бұл биылғы алғашқы қар. Ол қазірдің өзінде ірі болып қатты. Ал жоғарыда ұсақ түйіршіктері жатыр. Ал бұл 15 сантиметр – ақпан айының ортасында түскен қар. Бұл қабат қазір жылынуға байланысты дымқыл және барлық жиналған қарды таулардан құлатуы мүмкін, – дейді «Қазселденқорғау» ММ Текелі пайдалану бөлімінің басшысы Айтбек Сазанбаев.
Өзен шатқалы тау жыныстарының күрделенуіне байланысты қар көшкіннің түсуінен ғана қауіпті емес. Күрт жылыну кезінде көшкіндер мен ағынды сулар пайда болуы мүмкін. Сондықтан барлық жұмыс су тасқыны кезеңіне дайындыққа бағытталған.
– Текелі қаласында 7 гидробекет жұмыс істейді. Біздің мамандар күніне 3 рет жергілікті өзендердегі су деңгейін, лайлануын, сондай-ақ жауын-шашын мөлшерін бақылайды. Бұл су тасқынының алдын алу үшін қажет. Қазір жергілікті өзендердегі су деңгейі тұрақты, – дейді «Қазселденқорғау» ММ Текелі пайдалану бөлімінің басшысы Айтбек Сазанбаев.
– «Қазгидрометтің» мәліметінше, таулы аудандарда қардың биіктігі өткен қысқа қарағанда, 12 сантиметрге жоғары. Облыс бойынша көшкін аймақтарынан басқа, су тасқынына бейім 49 елді мекен анықталды. Сондықтан біз осындай бірлескен рейдтер жүргіземіз. Жалпы, әзірге жағдай тұрақты, – дейді Жетісу облысы ТЖД ТЖ алдын алу басқармасының инженері Қуаныш Нұрғалиұлы.
Синоптиктердің мәліметінше, жақында аймақта жауын-шашын мол болады деп күтілуде. Жетісуда жауын-шашын мен қар жауса, наурыз айының басы да осындай болмақ. Бірінші онкүндіктің ортасы мен соңында қар жауады. Наурыз айының соңында жиі жаңбыр жаууы мүмкін.
Айгүл БАЙБОСЫНОВА
Текелі қаласы
