Өскеменде волейболдан әйелдер командалары арасында ел чемпионатының ІІІ үлкен тур ойындары өз мәресіне жетті. «Жетісу» волейбол клубы барлық матчта қарсыластарынан басым түсті. Биылғы чемпионатта әлі жеңілмеген Марко Гршичтің шәкірттері жеңісті жолды ары қарай жалғастыруға ниетті,- деп хабарлайды 7-su.kz ақпараттық порталы.
Өскемендегі «Жекпе-жек» сарайында өткен ІІІ үлкен турдың соңғы ойынын «Қуаныш» командасына қарсы өткізген «Жетісу» 3:1 (25:23, 27:25, 20:25, 25:17) есебімен жеңді. Команда сапынан үздік нәтижені Мяо Ивэн көрсетті (18 ұпай – 1 эйс, 16 шабуыл, 1 тосқауыл). Одан кейін Татьяна Никитина (14 ұпай – 1 эйс, 12 шабуыл, 1 тосқауыл) және Мария Фролова (13 ұпай – 3 эйс, 10 шабуыл) мен команда капитаны Кристина Аниконованың (13 ұпай – 1 эйс, 8 шабуыл, 4 тосқауыл) көрсеткіші жоғары. Ал жалпы ІІІ үлкен турда «Жетісу» сапынан Мяо Ивэн «Үздік ойыншы» болды.
– Әуелі командамды ІІІ үлкен турды бірінші орынмен аяқтағаны үшін құттықтаймын. Турнирлік кестедегі бірінші орынды сақтап қалу, плей-оффты бірінші орынмен бастау үшін жасалған үлкен қадам. Бүгінгі ойында қыздар сенімді ойнады, батыл қадамдар жасады. Сол үшінде ризамын. Біз ІІІ үлкен турды алғашқы ойындарында босаңсып кеттік те шеуші «Қуанышпен» ойында тез жиналып алдық. «Қуаныш» өте мықты команда. Біз осы бір ойында жеңіске жеткеніміз үшін қуаныштымыз ,– деді өз сөзінде «Жетісу» волейбол клубының бас бапкері Марко Гршич.
«Жетісу» волейбол командасы 21 ойыннан кейін 61 ұпаймен турнирлік кестені бастап тұр. Одан кейін 54 ұпаймен «Қуаныш» және 46 ұпаймен «Берел» командасы келеді. Енді IV тур ойындары Өскемен, Петропавл қаласында өтеді. Одан кейін ел чемпионын анықтайтын плей-офф кезеңі болады.
