Ауа райының қолайсыздығына байланысты екі облыста көлік қозғалысына уақытша шектеу енгізілді, – деп хабарлайды 7-su.kz ақпараттық порталы turkystan.kz сайтына сілтеме жасап.
2026 жылғы 4 наурыз сағат 09:45-тен бастап республикалық маңызы бар «Үшарал – Достық» автожолының 84-164 шақырым аралығында (Көктұма ауылынан Достық станциясына дейін) көліктің барлық түрлерінің қозғалысы уақытша тоқтатылды.
Аталған жол учаскесін 2026 жылғы 6 наурыз сағат 12:00-де ашу жоспарланып отыр.
Сондай-ақ 2026 жылғы 4 наурыз сағат 10:15-тен бастап республикалық маңызы бар «РФ шекарасы – Ақтөбе – Қарабұтақ – Қызылорда – Шымкент – Алматы – ҚХР шекарасы» автожолының 776–965 шақырым аралығында (Ақтөбе қаласы – Қарабұтақ ауылы) жүк және қоғамдық көліктердің қозғалысына уақытша шектеу қойылды.
Бұл жол учаскесін 2026 жылғы 4 наурыз сағат 14:00-де ашу жоспарланған.
Қосымша ақпаратты 1403 байланыс орталығына хабарласып, тәулік бойы алуға болады.
