Англияның белгілі «Челси» футбол клубының капитаны Рис Джеймстің әкесі Найджел Джеймс Қазақстан ұлттық құрамасының және «Қайрат» футбол клубының 17 жастағы ойыншысы Дастан Сәтпаевтың жеке бапкері атанды, – деп хабарлайды 7-su.kz ақпараттық порталы.
Англиядағы танымал «Nigel James Elite Coaching» футбол академиясының негізін қалаушы Найджел Джеймс алдағы уақытта қазақстандық ойыншының дамуына, ойыншы есебінде барынша көмек беретіндігі жөнінде жазды. Академияның Instagram желісіндегі ресми парақшасында:
«Дарынды ойыншы келесі маусымда «Қайраттан» «Челсиге» ауысады. Дастан Қазақстандағы кейінгі шыққан ең таланатты ойыншылардың бірі. Біз өз тарапымыздан барынша қолдау көрсетіп, оның кәсіби футболшы есебінде әліде өсуіне ықпал еткіміз келеді. Алдағы уақытта Дастанды және біздің академияны, «Челси» клубын маңызды сәттер күтіп тұр», – деген жазба қалдырды.
Дастан Сәтпаев ел чемпионатының былтырығы маусымында 26 ойында 14 гол салып, 7 пас берсе УЕФА Чемпиондар лигасында («Қайрат» өз тарихында тұңғыш рет негізгі кезеңде ойнады) 5 ойында 1 гол салды. Дастан «Қайрат» сапында ел чемпионатын жеңіп (2025), Қазақстан Суперкубогына ие болды (2025).
