Өскеменде волейболдан әйелдер командалары арасында ел чемпионатының 4-кіші тур ойындары өтіп жатыр. «Жетісу» екінші ойын күні «А» тобындағы басты қарсыласы жергілікті «Берел» командасымен жолығып, 3:0 (25:21, 26:24, 25:18) есебімен жеңді, – деп хабарлайды 7-su.kz ақпараттық порталы.
– Ойын барысында ойлағанымыз болды дей алмаймын. Қателіктер көп болды. Алдағы уақытта қорытынды шығарып, тиянақты ойын көрсетуге тырысамыз. Чемпионат аяқталуға жақын. Осы тұрғыда еңсе тіктеп, тез ес жинауымыз қажет, – деді өз сөзінде «Жетісу» волейбол клубының ойыншысы Перизат Нұрбергенова.
«Берелмен» өткен ойында «Жетісу» сапынан үздік нәтиже көрсеткен – Ирина Кенжебаева. Ол 21 ұпай (20 шабуыл, 1 тосқауыл) жинады. Одан кейінгі нәтижелі ойын көрсеткен Мария Фролова (8 ұпай – 8 шабуыл) және Перизат Нұрбергенова (7 ұпай – 7 шабуыл).
Ойынның статистикасына көз жүгіртсек.
«Жетісу»:
Шабуыл – 40 пайыз.
Тосқауыл – 5.
Эйс – 6.
«Берел»:
Шабуыл – 30 пайыз.
Тосқауыл – 10.
Эйс – 6.
«Жетісу» волейбол клубы 23 ойыннан кейін 67 ұпаймен турнирлік кестені бастап тұр. Одан кейін 60 ұпаймен «Қуаныш», одан кейін 49 ұпаймен «Берел» келе жатыр. Ертең «Жетісу» 4-кіші турдағы соңғы ойынын «Тұран» командасына қарсы өткізеді.
