«Қазгидромет» синоптиктері 12, 13 және 14 наурызға арналған ауа райы болжамын жариялады, – деп хабарлайды 7-su.kz ақпараттық порталы.
Көктем басталғанымен, еліміздің бірқатар өңірінде қыс ызғары әлі де сезіліп тұр. Синоптиктердің мәліметінше, әсіресе Қазақстанның солтүстігі мен шығысында суық ауа райы сақталған.
Қар мен бораннан кейін бұл өңірлер суық антициклонның ықпалында қалып, соның салдарынан ауа температурасы айтарлықтай төмендеген.
– Алайда көктем де өз күшін көрсетіп келеді. 12 наурыздан бастап Қазақстанның бүкіл аумағында ауа температурасы біртіндеп көтеріле бастайды, – дейді синоптиктер.
Болжамға сәйкес, солтүстік өңірлерде ауа температурасы нөл маңында және плюстік мәнге дейін көтеріледі. Ал елдің оңтүстігінде аптаның ортасына қарай ауа температурасы 5–10 градусқа дейін жылынуы мүмкін.
