«Қазгидромет» синоптиктері 14, 15 және 16 наурызға арналған ауа райы болжамын ұсынды, – деп хабарлайды 7-su.kz ақпараттық порталы.
Болжамға сәйкес, ауқымды антициклон Қазақстан аумағының басым бөлігіне жылы әрі құрғақ ауа райын әкеледі. Алайда елдің солтүстігі мен шығысында атмосфералық фронттардың өтуіне байланысты жауын-шашын (жаңбыр, қар) күтіледі. Сондай-ақ бұл өңірлерде көктайғақ, боран және желдің күшеюі ықтимал.
Синоптиктердің мәліметінше, республика бойынша кей жерлерде тұман түседі.
Күндіз батыс пен оңтүстік өңірлерде ауа температурасы 3-15 градус жылыға дейін көтеріледі. Ал солтүстік, шығыс және орталық аймақтарда ауа температурасы 2 градус аяздан 5 градус жылыға дейін болады деп болжанып отыр.
