Қазақстан Премьер-министрі Олжас Бектенов ел болашағы үшін маңызды тарихи сәтте өз таңдауын жасады, – деп хабарлайды 7-su.kz ақпараттық порталы.
Үкімет басшысы елордадағы Дінмұхамед Қонаев атындағы №66 мектеп-лицейінде орналасқан №130 сайлау учаскесіне келіп, дауыс беру процесіне қатысты.
Кезекті референдум – еліміздің саяси жүйесін жаңғырту жолындағы батыл қадам. Жаңа Конституция жобасы мемлекеттік басқару тетіктерін жетілдіріп, азаматтардың құқықтарын қорғауды күшейтуді көздейді.
Қазіргі таңда елімізде 12 млн астам сайлаушы тіркелген. Әрбір дауыс Қазақстанның келесі онжылдықтардағы даму бағытын айқындайды. Үкімет басшысының сайлау учаскесіне баруы да осы жауапкершіліктің салмағын көрсетеді.
Реформалар сәтті жүзеге асқан жағдайда, экономикалық тұрақтылық пен әлеуметтік әділдік орнатудың жаңа құқықтық негізі қаланады.
