Ақсу ауданында референдум барысында ерекше көріністердің бірі – өнер мектебінің ұжымының дауыс беруі болды, – деп хабарлайды 7-su.kz ақпараттық порталы.
Наурыз мерекесінің қарсаңында өнер мектебінің ұстаздары мен қызметкерлері ұлттық киімдерін киіп, домбыра, қобыз сынды аспаптарын ала келіп, №3 референдум учаскесіне арнайы келіп, өз таңдауларын жасады.
Ұлттық нақыштағы көрініс дауыс беру учаскесіне ерекше рух пен мерекелік көңіл-күй сыйлады. Өнер ұжымы ел үшін маңызды саяси науқанға қатыса отырып, ұлттық құндылықтарды насихаттап, бірлік пен жауапкершіліктің жарқын үлгісін көрсетті.
«Наурыз – жаңару мен бірліктің мерекесі. Осындай мереке қарсаңында ұлттық киім киіп, қазақтың қасиетті аспаптарын алып, референдумға келуіміздің өзіндік мәні бар. Біз ұлттық құндылықтарымызды дәріптей отырып, ел болашағы үшін дауыс бердік. Әр азамат маңызды саяси науқанда өз таңдауын жасап, ел тағдырына жауапкершілікпен қарауы керек деп ойлаймын», – деді өнер мектебінің директоры Досқали Молдағалиұлы.
