Қаратал ауданындағы Достық ауылында тұратын өзге ұлт өкілдері республикалық референдумда белсенділік танытты. Ауданда жалпы 2 947 күрд халқы тұрады, олардың көпшілігі Достық ауылына шоғырланған, – деп хабарлайды 7-su.kz ақпараттық порталы.
№144 сайлау учаскесіне этномәдени бірлестік – «Варбанк» өкілдері арнайы дәстүрлі киім үлгісінде келіп, домбыра, қобыз сынды ұлттық аспаптарын ала келді. Ұжым мүшелері осылайша еліміздің болашағы үшін өз таңдауларын жасады. Бұл көрініс сайлау учаскесіне ерекше рух пен мерекелік көңіл-күй сыйлады.
Ұйым өкілдерінің пікірінше, Қазақстанның келешегі үшін дауыс беру әр азаматтың парызы болып саналады. Олар ел тағдырына бейжай қарамай, қоғамдық жауапкершілікті сезініп, өз таңдауын жасауға ат салысу керектігін атап өтті.
