Лепсі ауылындағы №80 сайлау учаскесінде Татар этномәдени орталығының 30 өкілі ұйымшылдықпен келіп, өз таңдауын жасады.
Ерекше атап өтерлігі – орталық мүшелері сайлау учаскесіне ұлттық киімдерін киіп келіп, мәдени дәстүрін айшықтай отырып, азаматтық белсенділік танытты. Бұл қадам – ұлттық құндылық пен қоғамдық жауапкершіліктің үйлесімді көрінісі болды.
Ұлттық нақыштағы киіммен келгендер сайлау күніне ерекше сән беріп, Лепсі ауылында бірлік пен мәдени алуандықтың жарасымын көрсетті.
«Жетісу-Ақпарат»
