«Жоңғар Алатауы» мемлекеттік ұлттық табиғи паркі мекемесінің ұжымы республикалық референдум күні белсенділік танытты, – деп хабарлайды 7-su.kz ақпараттық порталы.
Мекеме қызметкерлері бір адамдай жұмылып, сайлау учаскесіне келіп, өз таңдауларын жасап, дауыс берді. Аталған қадам олардың ел болашағына бейжай қарамайтынын, азаматтық жауапкершілікті жоғары деңгейде түсінетінін айқын көрсетеді.
Ұжым мүшелері үшін саяси науқан – мемлекет дамуына үлес қосатын маңызды қадам. Сондықтан табиғат жанашырлары маңызды шараға белсенді қатысып, әр азаматтың дауысы салмақты екенін дәлелдеді. Бірлік пен ұйымшылдық танытқан ұжым елдегі тұрақтылық пен қоғамдық келісімді толықтай қолдайтынын білдірді. Осындай ұйымшылдық пен отансүйгіштік қасиеттер өңірдегі өзге де кәсіпорындар мен мекемелерге үлкен қозғау салары анық.
Мекеме қызметкерлерінің көрсеткен белсенділігі қоғамға үлгі болары сөзсіз. Өйткені әрбір азаматтың ел тағдырына бейжай қарамай, референдумға қатысуы – демократиялық қоғамның басты белгісі саналады. Табиғи парктің мамандары конституциялық реформалардың ел экономикасы мен экология саласына оң әсер ететініне сенімді. Олардың пікірінше, заң үстемдігі орнаған мемлекетте табиғи ресурстарды қорғау мен ұтымды пайдалану тетіктері де нығая түспек. Осылайша,«Жоңғар Алатауы» мекемесінің қызметкерлері өз таңдауын жасау арқылы Қазақстанның жаңару жолындағы қадамына өз үлестерін қосты.
