Талдықорған: +5°C
$ 444.16
€ 487.29
₽ 5.40
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР КҮНДЕРЕК

Көктемгі жеңілдік: Жетісуда «Наурыз FEST» акциясы өтуде

15 наурыз 2026
КҮНДЕРЕК
Көктемгі жеңілдік: Жетісуда «Наурыз FEST» акциясы өтуде
WhatsAppTelegramFacebook

Жер жаһанды жаңғыртып, табиғатпен бірге адам көңілін де түлететін Ұлыстың ұлы күні қарсаңында Жетісу өңірінде мерекелік шаралар легі басталды. Биыл 13-23 наурыз аралығында республика көлемінде ұйымдастырылып жатқан «Наурыз FEST» акциясы Жетісу облысында да кең ауқымда өтуде.

Аталмыш бастама халыққа мерекелік көңіл-күй сыйлаумен қатар, әлеуметтік маңызы бар азық-түлік тауарларының бағасын тұрақтандыруға, отандық өндірушілерді қолдауға және тұрғындарды сапалы өніммен қамтамасыз етуге бағытталған. Облыстық кәсіпкерлік және индустриалды-инновациялық дамыту басқармасының сауданы дамыту бөлімінің басшысы Азамат Жанбырбаевтың айтуынша, республикалық акцияға өңірдегі ірі сауда желілері мен сауда орындары белсенді қатысуда. Атап айтқанда, «TOIMART», «SMALL», «Magnum» сауда желілері, сондай-ақ «Шаған», «Евразия», «Керуен», «Қарағаш», «ЦУМ», «Айзере», «Magnit», «As-mart» секілді сауда үйлері мен минимаркеттер тұрғындарға жеңілдетілген бағамен тауар ұсынып, мерекелік сауданың қызуына үлес қосуда.

Наурыз мерекесінің басты ерекшелігі – ел арасындағы бірлік пен берекені нығайту болса, осы мақсатта облыстың әр ауданында ауыл шаруашылығы жәрмеңкелері ұйымдастырылуда. Мәселен, 15 наурыз күні Алакөл ауданының орталығы Үшарал қаласындағы «Достық» сауда үйі алаңында ауыл шаруашылығы жәрмеңкесі өтті. Мұнда тұрғындар жергілікті кәсіпкерлер мен шаруа қожалықтарының ет, сүт өнімдерін және түрлі азық-түлік тауарларын тиімді бағамен сатып алды. Қазіргі таңда жәрмеңке орны белгіленіп, кәсіпкерлерді тарту жұмыстары жүргізіліп, арнайы шатырлар орнатылуда.

Сондай-ақ 14 наурыз күні Текелі қаласының орталық базарында да мерекелік жәрмеңке ұйымдастырылып, тұрғындарға азық-түлік, ет және сүт өнімдері төмен бағамен ұсынылды. 15 наурызда Панфилов ауданының орталығы Жаркент қаласында мәдениет үйінің алдында жәрмеңке өтті. Мұнда азық-түлік тауарларымен қатар дайын тағамдар да сатылып, тұрғындарға мерекелік дастарқанды молынан жасауға мүмкіндік берілді. Кербұлақ ауданының орталығы Сарыөзек ауылында да дәл осы күні Мәдениет үйінің алдында ауыл шаруашылығы жәрмеңкесі ұйымдастырылып, ет-сүт өнімдері мен дайын тағамдар саудасы қызды.

Ал Ескелді ауданының орталығы Қарабұлақ ауылындағы «Санжар» сауда үйі алаңында өтетін жәрмеңкеде де тұрғындарға табиғи әрі сапалы азық-түлік ұсынылады. Мұнда кәсіпкерлерді тарту жұмыстары жүргізіліп, мерекелік сауда алаңына арналған шатырлар орнатылуда. Ақсу ауданында да мерекелік жәрмеңкелер ұйымдастырылмақ. Жансүгіров ауылындағы «Долана» базарында 14 наурыз күні жеміс-жидек, азық-түлік, ет және сүт өнімдері сатылса, 15 наурызда «Ақын Сара» мәдениет үйінің аумағында сауда-саттық жалғасты. Ал Қаратал ауданының орталығы Үштөбе қаласында жексенбілік базар маңында ауыл шаруашылығы жәрмеңкесі өтсе, Көксу ауданының орталығы Балпық би ауылында да дәл осындай сауда алаңдары ұйымдастырылады. Мұнда жергілікті шаруалардың өнімдері ұсынылып, тұрғындарға қолжетімді бағамен сауда жасалады. Сонымен қатар 17 наурыз күні «Toimart» сауда үйінде қазақтың әсем күйлері ойнатылып, ұлттық әуен мерекелік көңіл-күйді арттыра түспек.

– Бұл игі бастаманың өңірімізде ұйымдастырылып жатқаны қуантады. Себебі, әр заттың бағасы қол жетімді. Мысалға біз Айс сүтін 700-800 теңгеден алып жүрсек, қазір оның бағасы 500 теңге көлемінде. Қайырымдылық акциясын өткізіп отырған жандарға алғысымыз шексіз, – дейді Талдықорған қаласының тұрғыны Зәуре Тұрарқызы.

Жетісу өңіріндегі мерекелік шаралар тек сауда-саттықпен шектелмейді. 22 наурыз күні сағат 10:00-де «Жастар» саябағында Ұлыстың ұлы күні – Наурыз мерекесіне арналған кең көлемді мерекелік бағдарлама ұйымдастырылады. Мұнда ұлттық салт-дәстүрлер көрсетіліп, концерттік қойылымдар, ұлттық спорт ойындары, қолөнер көрмелері мен ұлттық тағамдар жәрмеңкесі өтеді.

Көктемнің шуағымен бірге келетін бұл мереке – тек табиғаттың ғана емес, қоғамның да жаңаруын білдіреді. «Наурыз FEST» акциясы арқылы халыққа қолжетімді сауда ұйымдастырылып қана қоймай, ұлттық құндылықтарды дәріптеу мен қоғамдағы бірлік пен берекені нығайтуға ерекше мән беріліп отыр. Жетісу жерінде ұйымдастырылып жатқан бұл игі бастама Наурыз мерекесінің мазмұнын байытып, халықтың мерекелік көңіл-күйін одан әрі көтере түсетіні анық.

Медет Жұмабай

Қатысты жаңалықтар

270 мыңнан астам қазақстандық жасанды интеллект құралдарын қолдануды үйренеді

270 мыңнан астам қазақстандық жасанды интеллект құралдарын қолдануды үйренеді

19 қараша 2026
Олжас Бектенов:«Қордың стратегиялық бағыты өзгеріссіз қалып, міндеттемелер толық орындалады»

Олжас Бектенов:«Қордың стратегиялық бағыты өзгеріссіз қалып, міндеттемелер толық орындалады»

19 қараша 2026
Қалдықтарды қайта өңдеу және кәдеге жаратудың тиімді тәсілдері талқыланды

Қалдықтарды қайта өңдеу және кәдеге жаратудың тиімді тәсілдері талқыланды

19 қараша 2026
«Таза Қазақстан»: келесі жылы Талдықорғандағы орталық саябақ жаңғыртылады

«Таза Қазақстан»: келесі жылы Талдықорғандағы орталық саябақ жаңғыртылады

19 қараша 2026

Елімізде 44 жаңа мектеп пен 37 балабақша пайдалануға берілді

18 қараша 2026

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.