Талдықорған жоғары политехникалық колледжінде «Жастар жобаларының инвестициялық әлеуеті» атты ғылыми-тәжірибелік конференция өтті.
Оның аясында осы оқу орнының студенттері бизнес-жобаларын қорғады. Шараға экономикалық пәндер оқытушылары, өндірістік оқыту шеберлері және «Атамекен» өңірлік палатасының қызметкерлері қатысты. Онда 90-нан аса жас өзінің бизнес-идеяларын жеке және командалық түрде қорғады. Ұсынылған жобалардың ішінде ІТ-технологияларды дамыту, өндірістік қызмет, сервистік қызметтер көрсету саласындағы бастамалар болды.
Өз жобаларын таныстырған авторлар сарапшылардың сұрақтарына да жауап берді. Іс-шараны ұйымдастырушылардың ойынша, мұндай формат студенттердің шешендік өнерін ашуға, көпшілік алдында өз идеяларын бүкпесіз айтуға және дәлелді қорғау дағдыларын дамытуға ықпал етеді. Сарапшылар жобаларды өзектілігі, жаңашылдығы, іске асырылуы, қаржылық негізділігі, таныстырылым сапасы және топтық жұмыс деңгейі сияқты өлшемдер бойынша бағалады.
Таныстыру барысында студенттер нарықтық талдауға сүйене отырып олардың өзектілігін негіздеді және қаржылық есептеулермен толықтырды. Кері байланысқа ерекше назар аударылды. Қатысушылар жобаларды пысықтау, оларды одан әрі дамыту бойынша ұсынымдар алды.
Облыстық кәсіпкерлер палатасының директоры Дәурен Оңалбаевтың айтуынша, бұл шара жастардың кәсіпкерлік дағдыларын дамытуға, бизнес-идеяларын әзірлеуге, талдауға және таныстыру дағдыларын қалыптастыруға жол ашқан. Конференция колледж студенттерінің экономика, менеджмент және маркетинг саласындағы білімдерін нығайтуға мүмкіндік берген тәжірибелік алаңға айналған. Бұл жерде жастардың кәсіпкерлікке деген қызығушылығын оятатын іс қана емес, сондай-ақ дұрыс қолдау арқылы нақты бизнес-жобаларға айналуы мүмкін идеялар да бар.
Мұндай алаңдар студенттердің тәжірибе жинауына, кәсіби баға алуына және бизнестің нақты жағдайда қалай жұмыс істейтінін түсінуіне ықпал еткен. Ұсынылған жобалардың бір бөлігі болашақта іске асырылып, аймақ экономикасының дамуына өз үлесін қосатынына сенімді нығайтқан.
Айгүл БАЙБОСЫНОВА
