Жетісу облысының футбол федерациясы кәсіби «Жетісу» футбол клубының бастауында тұрған тұлға – Евгений Алексеевич Намның 81 жасқа қараған шағында қайтыс болғанын хабарлайды.
Марқұм клубтың алғашқы директоры, президенті және жаттықтырушысы ретінде өңірдегі спорт саласының дамуына өлшеусіз үлес қосты.
Евгений Алексеевич өмірінің соңына дейін футболға адал қызмет етіп, талай жас таланттың қанат қағуына жол ашты. Жетісу облысының футбол федерациясы марқұмның отбасы мен жақын туыстарына қайғыларына ортақтасып, иісі спорт жұртшылығы атынан шын жүректен көңіл айтады. Ардақты ұстаз бен білікті басшының жарқын бейнесі жанкүйерлер мен шәкірттерінің жадында мәңгі сақталады.
«Жетісу-Ақпарат»
