Орал қаласында 6-14 сәуір аралығында волейболдан ұлдар арасында ел чемпионатының қосалқы құрам (U 21) арасында Жоғарғы лига ойындарының 34-ші маусымы аяқталды. Соңғы 5-тур кездесулерінде жеңімпазбен жүлдегелер анықталып, үздіктер марапатталды. «Жетісу-2» ұлдар командасы жалпы қорытынды бойынша күміс медальға ие болды,–деп хабарлайды 7-su.kz ақпараттық порталы.
Чемпионат нәтижесі бойынша 1-орынды «Буревестник» (Алматы) командасы, 2-орынды «Жетісу-2», 3-орынды «Тараз-2» командасы алды.
– Жетісуда волейболдың дәстүрі қалыптасқан. Бір апта бұрын ғана Ұлттық лигада қыздарымыз топжарып, айтулы 10-шы чемпиондықпен Астанадан оралды. Бүгін Оралдан ұлдарымыз күміспен келіп отыр. Дәл қазір Ақтөбеде болып жатқан ерлер арасындағы Ұлттық лигада «Жетісу» командасы плей-офф сатысында, ал Петропавлда «Жетісу-2» командасының қыздары жүлде үшін барын салып жатыр. Бұл облысымыздың волейболды жоғары бағалайтындығының анық көрінісі, – дейді «Жетісу» волейбол клубы директорының орынбасары Аман Қалиев.
Айдар Момынгелдиев жаттықтыратын жастарымыз осыған дейінде ел чемпионатында жүлделі орындар алған болатын.
