Қазақстанның бірінші, әлемнің 2-ракеткасы Елена Рыбакина биылғы маусымда ерекше нәтижеге қол жеткізді, – деп хабарлайды 7-su.kz ақпараттық порталы.
Қазақстандық теннисші маусым барысында қатарынан 27 жеңіске жетіп, бұл көрсеткіш бойынша әйелдер арасында ғана емес, ерлер арасында да көш бастап тұр. Қазіргі таңда ерлер рейтингіндегі әлемнің бірінші ракеткасы, италиялық Янник Синнердің еншісінде 26 жеңіс бар.
Айта кетейік, Мадридте (Испания) өтіп жатқан WTA 1000 турнирінің үшінші айналымында Елена Рыбакина қытайлық Чжэн Циньвэньді жарыс жолынан шығарды. Осы жеңістен кейін ол ширек финалға шығу үшін әлемнің 56-ракеткасы, австриялық Анастасия Потаповамен кездеседі.
Матч 29 сәуірге қараған түні, Қазақстан уақыты бойынша сағат 00:00-де басталады.
