Талдықорған: +15°C
$ 443.96
€ 487.73
₽ 5.38
  • Комплаенс қызметі
  • Сыбайлас жемқорлық картограммасы
Advertisement
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР КҮНДЕРЕК

Көрермен көңіліне орныққан «Капитан Байтасов»

30 сәуір 2026
КҮНДЕРЕК, РУХАНИЯТ
Көрермен көңіліне орныққан «Капитан Байтасов»
WhatsAppTelegramFacebook

Қазақ: «Ер есімі – ел есінде» деп бекер айтпаған. Заманның шаңы жұтып жіберетін өткінші дүниелер алдымыздан аз ұшырасады да, халық жадында жаңғырып, ауыз толтырып айтатын тұлғалар саусақпен санарлық. Сол сирек шоғырдың бірегейі – Ғазиз Байтасов. Оның аты аталғанда құрмет пен тағзым қылаң береді. Осы асқақ болмысты экран тілімен сөйлеткен режиссер Дәурен Қамшыбаевтың «Капитан Байтасов» туындысы – көркем фильм деңгейінен әлдеқайда биік, ұлттық рухты жаңғыртқан көркем шежіре.

Мәдениет және ақпарат министрлігінің тапсырысы негізінде «Қазақфильм» киностудиясында дүниеге келген бұл картина Талдықорғандағы Мәдениет сарайында көпшілікке ұсынылған сәттен-ақ өзгеше атмосфера орнатты. Көрермен залы лық толы. Шымылдық түріліп, жарық сөнісімен-ақ кинозалдағы үнсіздік режиссерлік паузаның табиғи жалғасына айналды. Бұл сәт көрерменнің экрандағы тағдырмен бетпе-бет келуге іштей дайындалған мезеті іспетті.

Жұмабай Мұсабеков

Туындының алғашқы кадрлары экспозицияны асықпай өрбітеді. Фильм қарапайым тіршілік көріністерін, қызмет барысындағы детальдарды нәзік штрихтармен береді. Осы арқылы актер Азамат Сатыбалды ойнаған басты кейіпкердің ішкі әлемі, мінез иірімдері біртіндеп ашылады. Режиссер артық драматизациядан бойын аулақ ұстап, дерек пен шынайылыққа сүйенген. Соның нәтижесінде әр көрініс жасандылықтан ада, өмірдің өзінен қиып алынғандай әсер қалдырады.

Сюжет дамыған сайын драматургиялық шиеленіс күшейе түседі. Тараз қаласындағы қанды оқиға фильмнің кульминациялық шегі. Қазыбек би көшесі. Кәдуілгі күннің бір сәті. Кенеттен бұзылған тыныштық. Қаскөйлердің ретсіз шабуылдап, атқылауы монтаж арқылы үзік-үзік, бірақ өткір ырғақпен берілген. Камера қозғалысы, дыбыс режиссурасы, кадр ішіндегі бей-берекет көрініс, барлығы дерлік көрерменді оқиға ортасына тартады. Терезелердің шағылуы, адамдардың жанұшыра қашуы, қорқынышқа толы жүздер – бәрі біртұтас кинематографиялық кеңістікке айналған.

Осы дүрбелеңнің дәл ортасында Ғазиз Байтасовтың бейнесі айқындалады. Кейіпкердің шешім қабылдау сәттері ірі планмен, эмоциялық салмақпен берілген. Әсіресе, шешуші эпизод, граната жарылар алдындағы көрініс – фильмнің идеялық өзегі. Монтаж ырғағы баяулап, уақыт созылғандай күй кештіреді. Ауыр жараланғанына қарамастан, капитанның соңғы таңдауы өз өмірін құрбан ету арқылы өзгелерді аман алып қалу. Бұл сәт көркемдік құралдар арқылы асқан дәлдікпен жеткізілген.

Ал зал ішінде орнаған тыныштық – туындының әсерін айқын аңғартты. Бірі демін ішіне тартып, екіншісі көз жасын тыя алмай, әр көрермен экрандағы трагедияны жеке қабылдағандай күй кешті. Сондай-ақ, картинадағы кейіпкер бейнесі тек қызметтік шеңбермен шектелмейді. Сценарийде оның адами болмысы кеңінен ашылған, Мәселен, әкелік мейірімі, жары алдындағы адалдығы, әріптестеріне тірек болар азаматтық келбеті. Биографиялық деректер де драматургиялық желіге шебер енгізілген. ішкі істер саласындағы қажырлы еңбегі, кәсіби шеберлігі – барлығы кейіпкердің тұтас портретін сомдайды.

Тарихи негізі бар бұл туындыдағы оқиға – 2011 жылдың қарашасында Таразда орын алған қайғылы жағдай. Лаңкестік әрекетті тоқтату жолында Ғазиз Байтасов өз өмірін құрбан етіп, бейбіт тұрғындарды ажалдан арашалап қалды. Кейін оған «Халық Қаһарманы» атағы берілді.

Фильмнің финалы – эмоциялық шарықтау сәтінің заңды түйіні. Экрандағы соңғы титрлер баяу жылжып, батыр есімі жарқ еткен мезетте зал ішін патриоттық сезім биледі. Сондықтан болар, «Капитан Байтасов» – патриотизм ұғымын жаңа көркемдік деңгейде пайымдаған шығарма.

Ғазиз Байтасовтың ғұмыры қысқа болғанымен, оның ерлігі уақытпен өлшенбейді. Халық жадындағы есімі де мәңгілік екеніне күмән жоқ.

Санжар Сұлтанғазы

Қатысты жаңалықтар

Жалған хабар таратқандар 5 жылға дейін сотталуы мүмкін: ІІМ ескерту жасады

Жалған хабар таратқандар 5 жылға дейін сотталуы мүмкін: ІІМ ескерту жасады

Бүгін, 10:38
Қазақстан мен Мальдив арасындағы рейс саны екі есе өседі

Қазақстан мен Мальдив арасындағы рейс саны екі есе өседі

Бүгін, 10:34
Қазақстанда алтын бағасы ең төменгі деңгейге түсті

Қазақстанда алтын бағасы ең төменгі деңгейге түсті

Бүгін, 10:31
Қазақстан СІМ басшысы Брюссельде сегіз елдің министрімен келіссөз жүргізді

Қазақстан СІМ басшысы Брюссельде сегіз елдің министрімен келіссөз жүргізді

Бүгін, 10:30
Жетісу облысында 414 млрд теңгеден астам өнім өндірілді

Жетісу облысында 414 млрд теңгеден астам өнім өндірілді

Бүгін, 10:06

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.