«Қазгидромет» РМК 7 мамырға арналған Қазақстан аумағы бойынша синоптикалық жағдай мен ауа райының қауіпті құбылыстарына қатысты болжамын жариялады. Отан қорғаушылар күні елімізде жаңбырлы ауа райы орнайды, – деп хабарлайды 7-su.kz ақпараттық порталы.
Болжамға сәйкес, жауын-шашынсыз ауа райы республиканың шығысы мен оңтүстік-шығысында ғана сақталады.
Солтүстік-батыс циклоны және онымен байланысты атмосфералық фронтальды бөліктердің әсерінен Қазақстанның басым бөлігінде найзағай ойнап, жаңбыр жауады. Еліміздің батысы мен солтүстік-батысында нөсер жаңбыр, дауыл және бұршақ болуы мүмкін.
Республика аумағының көп бөлігінде жел күшейеді, ал солтүстік пен оңтүстікте шаңды дауыл тұрады.
Сонымен қатар, синоптиктер бірқатар өңірлерде жоғары және төтенше өрт қаупі сақталатынын ескертті:
• Қызылорда, Қарағанды, Павлодар облыстарында, Ұлытау, Абай облыстарында, Түркістан облысының солтүстігі, оңтүстігі және орталығында, Жамбыл облысының солтүстігі, батысы, шығысы және орталығында, Алматы облысының солтүстігі мен орталығында, Жетісу облысының батысы, солтүстігі және орталығында, Ақтөбе облысының оңтүстігінде, Ақмола облысының оңтүстік-шығысында, Солтүстік Қазақстан облысының батысында, Шығыс Қазақстан облысының батысы мен солтүстік-батысында жоғары өрт қаупі тіркеледі;
• Жетісу облысының оңтүстік-шығысы мен оңтүстігінде төтенше өрт қаупі сақталады.
Сондай-ақ синоптиктер Қазақстанның үш ірі мегаполисі бойынша Отан қорғаушылар күніне арналған ауа райы болжамын ұсынды:
• Астана: аспан бұлтты, аздап жаңбыр жауады, найзағай ойнайды. Оңтүстік-шығыстан соғатын желдің екпіні 9-14 м/с. Ауа температурасы түнде +11…+13°C, күндіз +25…+27°C.
• Алматы: аспан бұлтты, жауын-шашынсыз. Ауа температурасы түнде +13…+15°C, күндіз +28…+30°C.
• Шымкент: аспан бұлтты, жауын-шашынсыз. Ауа температурасы түнде +15…+17°C, күндіз +32…+34°C.
