Қонаев көшесін патрульдеу барысында тәртіп сақшылары «CHANGAN EADO» маркалы автокөлікті тоқтатты. Тексеру кезінде көлікті басқарған 18 жастағы жергілікті тұрғынның көлік жүргізу құқығы жоқ екені анықталды.
Ең сорақысы медициналық куәландыру нәтижесі оның алкогольдік масаң күйде болғанын растады. Сондай-ақ, көлік иесінің жүргізуші куәлігі жоқ азаматқа көлікті басқаруға бергені анықталды. Көлік иесінің өзі де ішімдік ішкен.
Көлік жүргізу құқығы жоқ, масаң күйде автокөлік басқарған 18 жастағы азамат 20 тәулікке әкімшілік қамауға алынды. Ал көлік иесіне көлік құралын жүргізуші куәлігі жоқ әрі масаң күйдегі адамға басқаруға бергені үшін 15 тәулікке әкімшілік қамау және 7 жыл мерзімге көлік жүргізу құқығынан айыру жазасы қарастырылған.
«Жетісу-Ақпарат»
