Бүгінгі таңда мемлекеттік қызметтердің басым бөлігі «Азаматтарға арналған үкімет» мемлекеттік корпорациясы арқылы көрсетіледі.
Қызметтердің басым бөлігін азаматтар электронды үкімет порталы арқылы немесе фронт офистерде ұйымдастырылған өзіне-өзі қызмет көрсету бұрыштары арқылы алып жатыр.
Қажетті анықтамаларды ХҚКО (Халыққа қызмет көрсету орталығына) бармай-ақ смартфон арқылы алу өте тиімді, уақытыңыз бен жол шығындарын үнемдейді. «Whatsapp» мессенджеріне ұқсас Telegram мобильді қосымшасын жүктеп, EgovKzBot жүктемесі арқылы керекті қызмет түрін алуға болады.
Қолданушыларға Telegram бот 25 түрлі мемлекеттік қызмет пен сервистерді алуға мүмкіндік береді. Нақтырақ айтқанда, соттылықтың бар-жоғы туралы, психиатриялық, наркологиялық диспансердің анықтамаларын, зейнетақы қорындағы салымы туралы ақпарат ала алады. Керекті анықтаманы өзінің смартфонына жүктеп алып, кез келген баспа құрылғысы арқылы шығарып алады.
Смартфондағы бұл сервис түрін пайдалану үшін азаматтар ХҚКО-на барып мобильді азаматтар базасында тіркелуі тиіс.
Елдос НҰРАҚЫНОВ,
«Жылысай ауылдық округі әкімінің аппараты» мемлекеттік мекемесінің бас маманы
Кеген ауданы
Алматы облысы
