«Ынтымақ» тұрғын үй алабында 5 қабатты 200 пәтерлі 5 тұрғын үйдің құрылысы қарқынды жүріп жатыр. Жайлы баспаналар биылғы жылдың қыркүйегінде пайдалануға беріледі деп жоспарланған. Жаңа үйлерде 1 бөлмелі – 50, 2 бөлмелі – 100, 3 бөлмелі – 50 пәтер бар. Барлық пәтерлер тұрғын үй кезегінде тұрған азаматтарға беріледі, – деп хабарлайды 7-su.kz ақпараттық порталы.
Қала әкімінің орынбасары Рүстем Бершінбеков:
– Бұл жобаның мақсаты қала тұрғындарын жайлы әрі қолжетімді баспанамен қамтамасыз ету. «Ынтымақ» тұрғын үй алабында салынып жатқан 5 көпқабатты үйдің құрылысы жоспар бойынша жүріп жатыр, сапасы мен мерзімі бақылауда, – деді.
Жобаны «АС Құрылыс» ЖШС жүргізіп жатыр. Тұрғын үйлердің аумағын абаттандыру, жас көшеттер отырғызу жұмыстары да қарастырылған.
Талдықорған қаласы бойынша биыл 27 көпқабатты үйдің құрылысы жүріп жатыр. Өткен жылы қаңтар-желтоқсан айларында қалада 175 мың шаршы метр тұрғын үй пайдалануға берілді.
