Мемлекет басшысының бастамасымен қолға алынған «Ұлттық қор – балаларға» жобасы аясында еліміздің әрбір жас азаматына жыл сайын арнайы қаржы аударылып келеді, – деп хабарлайды 7-su.kz ақпараттық порталы.
Еліміздің ұлттық байлығын әділ бөлуді көздейтін жоба аясында 18 жасқа дейінгі балаларға Ұлттық қордың инвестициялық табысының 50 пайызы теңдей бөлінеді. 2026 жылы әр баланың есепшотына 130,71 АҚШ доллары мөлшерінде қаражат түсті. Бағдарламаға үш жыл бойы қатысып келе жатқан жеткіншектердің жинақталған жалпы сомасы инвестициялық табысты қосқанда 370,56 АҚШ долларына жетті. Бірыңғай жинақтаушы зейнетақы қоры ұсынған мәліметке сәйкес, 2026 жылғы 1 қыркүйектегі жағдай бойынша баспана жағдайын жақсарту мен білім алуға бағытталған төлемдердің жалпы көлемі 76 142,45 мың долларды құрады. Қордаланған қаржыны 365 967 азамат игілігіне жаратты. Мұның ішінде 241 284 алушы тұрғын үй мәселесін шешуге 50 433,4 мың доллар бағыттаса, 124 683 жас білім алу үшін 25 709,05 мың доллар көлеміндегі қаражатты пайдаланды.
Азаматтар жиналған қаражатты 18 жасқа толғаннан кейін арнайы уәкілетті операторлар – «Отбасы банк» пен «Халық банк» арқылы екі негізгі бағыт бойынша жұмсай алады. Біріншісі – Қазақстан Республикасының аумағында баспана жағдайын жақсарту болса, екіншісі – отандық немесе шетелдік оқу орындарында білім алу ақысын төлеу. Баланың жобаға қатысу дерегін kids.enpf.kz ресми сайтында ЖСН енгізу арқылы, сондай-ақ egov.kz порталы мен Halyk, Kaspi.kz мобильді қосымшаларындағы жеке кабинеттен оңай тексеруге болады.
Егер азамат бой жетіп, 18 жасқа толғаннан кейін 10 жыл ішінде мақсатты жинақталған қаражатты талап етпесе, жиналған сома оның жеке зейнетақы шотына аударылады. Ал егер қатысушы көз жұмса немесе Қазақстан Республикасының азаматтығынан айырылса, есепшотқа ақша аудару тоқтатылады. Қайтыс болған жағдайда, жиналған қаражатты заңда белгіленген тәртіппен оның мұрагерлері алуға құқылы.
Жас буынды қолдауға бағытталған заманауи шешімдер елдің тұрақты дамуы мен азаматтардың әл-ауқатын арттыруға негіз болады. Тұрғындарға ұсынылған мемлекеттік бағдарламалар 45-50 млн теңге көлеміндегі әлеуметтік қолдаулармен толығып, инфрақұрылымға 2-3 млрд теңгеге жуық қаржы тартуға мүмкіндік береді. Ұлттық қордың ресурстарын тиімді пайдалану ел
