V Дүниежүзілік көшпенділер ойындары аясында өзбек халқының ұлттық спорты курашты ел спортшылары бір алтынмен аяқтады.
Кураштан қазақстандық 7 спортшы жартылай финалға жолдама алып, оның төртеуі ақтық сынға жолдама алған. Өкінішке қарай, екінші жарыс күні отандық спортшыларға алтын бұйырмады. Осылайша, қазақстандық балуандар 4 күміс, 3 қола жүлде иеленді.
- Марат Нигматуллаев – қола жүлде (ерлер арасында 60 келі салмақ дәрежесі)
- Ернұр Сүлейменов – күміс жүлде (ерлер арасында 60 келі салмақ дәрежесі)
- Айбек Қазақбаев – күміс жүлде (ерлер арасында 66 келі салмақ дәрежесі)
- Толғанай Абеуова – күміс жүлде (әйелдер арасында 57 келі салмақ дәрежесі)
- Алтынай Нұрханова – қола жүлде (әйелдер арасында 57 келі салмақ дәрежесі)
- Нұрдін Шаймерден – күміс жүлде (ерлер арасында 73 келі салмақ дәрежесі)
- Әділет Ахметғали – қола жүлде (ерлер арасында 73 келі салмақ дәрежесі)
Айта кетейік, жарыстың алғашқы күні қазақстандық 6 спортшы кураштан жартылай финалға жолдама алып, үшеуі ақтық сында бақ сынады. Ал жалпы кураштан Қазақстан құрамасы 1 алтын, 6 күміс 6 қола жүлдеге ие болды. Жалғыз алтынды алған Альбина Бахиева.
