Қазақстанда 800-ге жуық дін қызметкері жалақымен қамтамасыз етілді, деп хабарлайды 7-su.kz желілік басылымы ҚМДБ баспасөз қызметіне сілтеме жасап.
ҚМДБ мәліметіне сәйкес, қазіргі уақытта дін қызметкерлері ең төменгі жалақы мөлшерінде – 85 мың теңге алып отыр. Бұл шара 2021 жылы Бас мүфтидің бастамасымен қолға алынып, сол кезде 200 имамға жыл бойы ең төменгі жалақы тағайындалған болатын. 2023 жылы бұл көрсеткіш 532 дін қызметкеріне жетті.
Атап өтерлігі, жалақыға қол жеткізгендер арасында өзін-өзі қаржылық тұрғыдан қамтамасыз ете алмайтын 200 ауыл имамы, үздік 200 медресе шәкірті мен 132 медресе ұстазы да бар. Қазіргі таңда ҚМДБ ұйымдастыруымен 800-ге жуық дін қызметкері жалақымен қамтамасыз етілуде.
Бұл шара Қазақстанның діни саласында қызмет ететін имамдар мен медресе ұстаздарының әлеуметтік жағдайын жақсартуға бағытталған маңызды қадам болып табылады.
Фото: istockphoto
