Көп уақыт өтпей «ЭКСПО – 2017» көрмесінің 3 миллионыншы тұрғыны тіркеледі. Бұл туралы «Астана ЭКСПО – 2017» ҰК» АҚ басқарма төрағасы Ахметжан Есімов Орынбор облысының губернаторы Юрий Берг және Ульяновск облысы Үкіметінің төрағасы Дмитрий Богдановпен кездескенде мәлімдеді.
Кездесу барысында Ахметжан Есімов көрменің аралық нәтижелерін баяндады. Қазіргі көрсеткіш халықаралық көрмелер бюросының жоспарлаған регламентінен айтарлықтай жоғары. Орынбор облысының губернаторы Юрий Берг көрмеден, әсіресе, «Нұр Әлем» павильонынан алған әсерімен бөлісті және екі ел арасындағы ынтымақтастыққа дайындығын білдірді. Өз кезегінде Астана қаласының әкімі Әсет Исекешев ЭКСПО көрмесі аяқталғаннан кейін технологияларды трансферлеу бағытындағы жоспарларымен бөлісті.
Қазіргі уақытта «ЭКСПО – 2017» Көрме нысандарына кіріп-шығу саны 22 498 699-ға жетті. Соның ішінде Ресей Федерациясының павильонына 582 186 келуші тіркелген. Осы тұрғыдан келгенде EXPO көрмесі экономикалық үдерістердің шапшаңдатқышы болып шықты. Бұл үдерістерді іске қоса отырып, Қазақстан валюта мен мұнай бағасының құбылмалылығынан туындаған дағдарыс құбылыстарын азайта алды. Осыған қоса, ескі түйткілдер де өз шешімін тапты. Туризм жанданды. Жаңа жұмыс орындары ашылды. Көрме кешенінің құрылысына 200 мың адамы бар 196 қазақстандық компания атсалысқан.
Бүгінде EXPO көрмесінде 21 мың адам қызмет атқарып, көрме жұмысын қамтамасыз етіп келеді. Астананың қонақүйлері, мейманханалары, кафелері жергілікті бюджетке түсіретін аударымдарын 2,5 есеге көбейтті. Туристер санының артуы, сатып алу қабілетінің жоғарылауы айналыстағы қолма-қол ақшаның көлемін ұлғайтты.
Ең бастысы, осы аптада Астанаға әлемде баламасы жоқ британдық дыбыстан жылдам автомобиль жеткізілді. Bloodhound SSC (SuperSonic Car) әлі зерттелу үстіндегі дыбыстан жылдам көлік. Құрастырушылардың ойынша, оның жылдамдығы 1 609 км/сағ.-қа дейін артып, жылдамдықтың жаңа әлемдік рекорды қойылмақшы. 2010 жылдың 19 шілдесінде Лондон маңындағы елді мекенде ашылған Фарнборо халықаралық көрме-авиасалонында «Bloodhound SSC» шынайы өлшемді үлгісі таныстырылған. Жобамен Ричард Нобл жетекшілігіндегі команда жұмыс істеуде. «Bloodhound» жобасының басты мақсаты – ғылым, технология, инженерия және математиканы әсерлі етіп көрсету арқылы жас буынды жігерлендіру.
Қажет АНДАС.
