«Halyk Bank» Global-2000 әлемдегі ең ірі және ең ықпалды компаниялардың жыл сайынғы рейтингісінде 1595-ші орыннан 1522-ші орынға көтерілді. Рейтинг нәтижелері «Forbes» журналының сайтында жарияланды.
Рейтингке халықаралық қор нарығында акциялары еркін түрде қолжетімді компаниялар төрт көрсеткішпен: активтер, айналым, кірістер және нарықтық құн есебімен енгізілген. Рейтинг мәліметі бойынша:
— «Халық Банктің» табысы 3 млрд долларды құрайды (2018 жылы 2,37 млрд доллар);
— Банк активтері 23,5 млрд долларды құрайды. Бұл көрсеткіш бойынша ол 1138 орынды, 2018 жылғы көрсеткіш бойынша 26,62 млрд.пен 1021 орынды алды;
— Банктің пайдасы 718 млн. доллардан немесе әлемдегі 1067 орыннан асты. 2018 рейтинг көрсеткіштері 534,1 млн. доллар және 1351 орын;
— «Халық Банктің» нарықтағы құны бір жыл ішінде 3,6-дан 3,3 млрд. долларға дейін төмендеді.
«Халық Банк» барлық көрсеткіштер жиынтығында Global-2000 рейтингінің 1522 орнына көтерілді, бұл атаулы рейтингке қатысқан уақыт ішіндегі ең жақсы нәтиже болды. Банк, сондай-ақ, «Казкоммерцбанкпен» қосылғанға дейін 2018 жылы Global-2000 рейтингінде тұрақтап және жыл сайын өз позициясын жақсартып отырды. Осылайша 2013 жылы банк 1640 орынға, 2015 жылы – 1608 орынға, 2018 жылы – 1595-ші орынға орналасты.
Рейтинг ұйымдастырушылардың айтуынша, 2018 жылы әлемдік нарық АҚШ пен Қытай арасындағы сауда қақтығысына байланысты жыл көрсеткіштері Америка сырғанағын еске салды: «Forbes» журналының 17-ші жыл сайынғы рейтингіндегі әлемнің ең ірі ықпалды компаниялары әлемдік экономиканың бүгінгі жағдайын көрсетеді», — делінген рейтинг алғысөзінде.
Айта кету керек, «Халық Банк» — ірі және ең ықпалды компаниялардың рейтингіне енген жалғыз қазақстандық компания. «Forbes» тізіміне енген 61 ел бар, атап айтсақ, АҚШ-та ең көп номинанттар саны – 575. Одан әрі Қытай мен Гонконг – 309, одан кейін 223 компаниямен Жапония тұр. Посткеңестік елдер арасында тек Қазақстан мен Ресейдің 22 компаниясы кездеседі.
Төртінші жыл қатарынан жаһандық тізімде «Газпром» 40 орын алған (2018 – 43 орын). «Сбербанк» тағы да 47-ші орынға ие болды, дегенмен, әлемдегі «аймақтық банктер» санатында үшінші орынға ие болды. Сондай-ақ, әлемнің 100 ірі компаниясының ішінде «Роснефть» (52 орын) және «Лукойл» (97 орын) бой көрсетті.
Әлемнің ең қымбат компаниялары жалпы ірі рейтингте келесідей орналасты: «Amazon» — 28 орын, «Alphabet» — 17, «Microsoft» — 16, «Facebook» — 63, «Alibaba» — 59.
«ЖЕТІСУ-АҚПАРАТ»
