Алматы облысы бойынша мемлекеттік кірістер департаменті «Түбіртекті талап ет те, жүлдені ұтып ал» акциясын қорытындылады.
Алматы облысының 745 қатысушысы аталған акция жеңімпазы атанды.
Қатысушылардың 1417 түбіртегі жеңіске жетуге мүмкіндік берді. Олардың ішінде, 124 жеңімпаз — Талдықорған қаласының тұрғыны, 101-і Талғар ауданында, 94 жеңімпаз Іле ауданында, 83-і Қапшағай қаласында, 65-і Жамбыл ауданында, 48-і Еңбекшіқазақ ауданында, 43-і Қарасай ауданында, 36-сы Алакөлде және басқа аудандарда 2-ден 30-ға дейін жеңімпаздар анықталды.
Назар аударыңыз! Акция жалғасуда, облыс тұрғындарын акцияға тағы да қатысуға шақырамыз!
«Түбіртекті талап ет те, жүлдені ұтып ал» акциясы 12 мамыр мен 1 желтоқсан аралығында өтеді. Оның қатысушысы болу үшін «Wipon» тегін мобильді қосымшасын жүктеп, қажетті мәліметтерді толтырып, содан кейін өзіңіз сатып алған тауардың фискалдық түбіртектерін қосымшаға енгізесіз. Қосымшаны AppStore мен PlayMarket-тен таба аласыз.
Ең төменгі ықтимал ұтыс чектің жалпы сомасының 1-ден 20 пайызына дейін болады. Барлық жіберілген түбіртектер акцияның басты жүлдесі — бір миллион теңге ұтысына қатыса алады.
Ұтыс ойынына сатушының БСН/ЖСН, чектің берілген күні мен уақыты, сомасы мен фискалдық белгісі (ФП, фискалдық түбіртек және басқалар) бар фискалдық түбіртектер ғана қатыса алады. Бұл ретте әрбір жіберілген түбіртек бір ұтыс билетіне теңестіріледі.
Ұтыс ойынындағы жеңімпаздар түбіртекті кездейсоқ таңдау әдісі бойынша анықталады. Демек, түбіртектер көп жіберілген сайын қатысушылар жүлде иегері, яғни, бір миллион теңгені ұтып алу мүмкіндігіне көбірек ие болады. Барлығына сәттілік тілейміз!
«ЖЕТІСУ-АҚПАРАТ»
Сурет — ғаламтордан
