«Қорғас» шекара маңы ынтымақтастығы халықаралық орталығы коммуналдық меншіктен республикаға берілетіні туралы Үкімет қаулысының жобасы жарияланды. Бұл туралы «Tengrinews» сайты хабарлады.
«Қорғас» шекара маңы ынтымақтастығы халықаралық орталығының арнайы экономикалық аумағын мемлекетаралық жобасын сәтті жүзеге асыру және қазақстандық экспортты ілгерілету үшін жағдай жасау, Қазақстан Республикасы мен ҚХР арасындағы шекара маңындағы сауда көлемін арттыру мақсатында «Қорғас» ШЫХО МК АЭА АҚ акциялардың мемлекеттік пакетіне иелік ету және пайдалану құқықтарын Қазақстан Республикасы Сауда және интеграция министрлігінің құзырына беру қарастырылған», — делінген Үкімет қаулысында.
«ЖЕТІСУ-АҚПАРАТ»
