Алматы облысында «Мемлекеттік мүлікті сенімгерлік басқаруға беруге байланысты іс-шараларды жүргізу кезінде бәсекелестікті шектеу» тақырыбында іс-шара өткізілді. Бұл туралы «Жетісу» газеті хабарлады.
Шараның мақсаты — ҚР Бәсекелестікті қорғау және дамыту агенттігі Алматы облысы бойынша департаментінің Президент Жолдауында қойылған міндеттерді жүзеге асыруын назарда ұстау, сондай-ақ, монополияға қарсы органның ақпараттық ашықтық деңгейін сапалы өзгерту. Жаңа «Open Space» форматында өткен іс-шараға жергілікті атқарушы органдар мен барлық мүдделі тараптар қатысты.
Онлайн жиында (ZOOM) мемлекеттік мүлікті сенімгерлік басқаруға беруге байланысты іс-шараларды өткізу рәсімі таныстырылды, сондай-ақ, бұл ретте туындайтын проблемалық мәселелер де қозғалды.
Департамент басшысының орынбасары қатысушылардың барлық сұрақтарына жан-жақты жауап берді. Департамент бұл іс-шараны алдағы уақытта әр апта сайын жұма күні өткізуді жоспарлап отыр.
«ЖЕТІСУ-АҚПАРАТ»
