«Бриллиант» жеке кәсіпкерлігінің иесі Шолпан Аздерова қызметін 2020 жылдан бері атқарып келеді.
Шолпан Мерекенқызының 4 жастан асқан балаларға арналған шығармашылық студиясы бар. Ол жерде жасөспірімдерге би билеу, домбыра тарту сияқты өнер түрлері үйретіледі. Аталған кәсіпкерлік шығармашылық білім беру саласында бай тәжірибеге ие. Жас өскіндердің алғашқы би тобы осыдан 4 жыл бұрын ұйымдастырылған. Бұл топта 1 оқытушы хореограф, 10 бала өнерін шыңдап келеді.
Жобаның басты мақсаты – «Айгөлек» телевизиялық байқауына, «Қазақстан» телеарнасына қатысу. Оқушылар сарайында қазір хореография сыныбы барлық талапқа сай жұмыс істеп тұр. Бұл жерде тәрбиеленіп жатқан өнерлі балғындар қажырлы еңбектің арқасында республикалық және облыстық маңызы бар шығармашылық байқауларда бірнеше мәрте жүлделі орындарға ие болып, биіктен көрінуде.
Шолпан Мерекенқызы кәсібін одан әрі жандандыру үшін «Forte Bank» АҚ-ға жүгініп, инвестицияға несие алды. Жоба «Даму» қоры» 2-ші бағыт шеңберінде кепілдік беру құралы бойынша «Бірыңғай кешенді бағдарлама» аясында қолдау тапты. Кәсіпкер бұл қаражатқа тағы бір студия ашуды жоспарлап отыр. Бүгінде 10-нан аса оқытушы шығармашылық топтардағы 450-ден аса жастың өнерін шыңдау мақсатында сабақ беруде.
Айгүл Байжұмақызы
Талдықорған қаласы
